Godkjent plan - Detaljreguleringsplan Kjerlandskrysset
I møte i Granvin heradsstyre 12.12.12 vart det gjort følgjande vedtak; I medhald av plan- og bygningslova § 12-12 godkjenner Granvin heradsstyre sak nr. 11/377 Detaljreguleringsplan for Kjerlandskrysset, føresegner og planomtale dagsett oktober 2012 og kart dagsett 27.11.12, med følgjande tilleggspunkt:
1. § 3.4: Avkjørsel /veg til rasteplass skal konstruerast slik at framtidig tilkomst til tilgrensande næringsareal (N1 i kommuneplanen) kan skje via denne.
2. § 3.5: Det må takast omsyn til dagens terrengform og rasteplassen må tilpassast tilgrensande areal.
3. § 3.6: Rasteplass-anlegget må konstruerast slik det ikkje hindrar framtidig bruk av det resterande trafikkarealet (T1 i kommuneplanen) til trafikk-, landbruks- eller næringsføremål.
4. Vedk. gardsutsal på rasteplass: Eit slikt utsal bør ta utgangspunkt i lokale matprodusentar og utsalsstader.
5. Bygging av eit evt. gardsutsal eller liknande bygg på rasteplassen skal opp til politisk handsaming som eiga sak.
Heradstyret sitt vedtak om reguleringsplan kan påklagast til Fylkesmannen jfr. § 12-12 og § 1-9 i plan- og bygningslova og kap. VI i forvaltningslova. Klagefristen er 3 veker frå denne kunngjeringa og skal sendast via Granvin herad. Ein viser og til vilkåra i §§ 15-2 og 15-3 i plan- og bygningslova som omhandlar krav om innløysing og erstatning for tap ved reguleringsplan.
Plandokument - sjå les meir