skielva_planområde_kart.jpg
Planområde ligg inn til eksisterande bustad på Røynstrand i Granvin. Føremålet er å leggje til rette for eit bustadfelt på området med bustadområde, leikeområde, infrastruktur mm. Sikring av området mot hendingar frå Skielva er og del av planarbeidet. Det vert utarbeid ein faresonekartlegging som grunnlag for dette.
Bakgrunnen for planen er ønskje om nye bustadtomter. Dette er eit mål i både kommuneplanen si samfunnsdel frå 2005 og Arealdelen frå 2009. I planstrategien var det lagt inn planarbeid for eit bustadfelt. Planområdet ligg som LNF i gjeldande kommuneplan, men som bustadføremål i reguleringsplan for Røynstrand 1978.
Planområdet utgjer ca. 50 da og omfattar gnr 120 bnr 1,95,100,103; gnr 122 bnr 1; gnr 123 bnr 1-3,9,79
Avgrensing som på kart
Tiltakshavar og planleggjar er Granvin herad.
Planprogram og relevante saksdokument ligg på Granvin herad si heimeside www.granvin.kommune.no under planar – planar under arbeid – Skielva
Epost med einslydande brev og saksdokumenta som vedlegg har blitt sendt til alle høyringsinstansar. Ta kontakt for ettersending av dokument på papir.
Merknader og innspel må sendast Granvin herad, Pb 13, 5733 Granvin eller postmottak@granvin.kommune.no innan 3. mars 2014. Eventuelle spørsmål kan rettast til teknisk etat – planavd.